🥣湯底 / 醬料區: 醬料有好多選擇，仲相當整潔；湯底就叫左港式蕃茄薯仔同昆布鰹魚清湯，都唔錯，口感清新，飲左幾淡都唔會話好口渴，職員仲會好主動咁幫你加湯，服務有禮。
🥩任食肉類 - 牛、豬、雞、羊
今次個set包任食牛肩胛，肉質唔差，脂肪分佈幾平均，平時打邊爐最怕啲超肥既肥牛，今次就岩岩好；豚肉係薄切既，唔怕烚好耐，又唔怕柴；個人都幾鍾意羊肉，唔會有咩羶味，肉質軟嫩，連平時唔食羊既朋友，都主動話要叫多幾碟。
🇰🇷任食韓式小食
餐廳做緊期間限定既韓國祭，有幾款韓式小食 - 炸雞、紫菜粉絲卷同牛肉餅，即叫即製，熱辣辣。
🥦任食蔬菜、火鍋料、麵食
蔬菜好新鮮同乾淨，火鍋料方面有唔同既丸類、泡菜餃子、年糕，個人幾鍾意韓式魚餅；麵食除左有拉麵，仲有韓國公仔麵，仲可以自己加芝士。
🍨任食飲品、甜品
除左汽水，仲有芒果同提子沙冰，味道濃郁，唔會好淡味。甜品有泡芙、朱古力蛋糕、啫喱，仲有雪糕機，有好多配料任你加。
🐮牛肩胛 (生重100g): 156kcal/蛋白質19.4g/脂肪8.7g (資料來源:澳洲新西蘭食品標準管理局)
