御名園 (Closed)

試過好幾間點心放題，呢間係……👍👍價錢: 屬點心放題中的中價位 ，每位$138，經網上平台預購再減$10，另外再加一及茶位約$25。選擇: 共有44款點心選擇，再加每位一客花膠灌湯餃及手工點心三式特盛。午市放題，以這個價錢來說，雖不算超值，但可謂合理。裝修: 街坊酒樓格局，但座位寬敞，枱與枱之間亦有足夠距離，坐得舒服。服務: 不俗，人手充足，一舉手，即有樓面會過來；食物亦出得快，沒有漏單情況。味道: 有驚喜! 特別推介燒鵝瀨、花膠灌湯餃，這兩款的湯尤其出色；仲有鮮沙薑香茜豬手，味道夠香，豬手夠彈牙。不過，亦有欠佳的，首先係花膠滑雞粥，太淡味，似無落鹽，亦沒有雞味；腸粉，皮太厚；黑松露豚肉煎鍋貼，同樣皮太厚，而且很油膩。其他點心中規中矩。