祥仔 (永康街) (Closed)

今日第一次試祥仔，一份露天茶坐質素嘅豬扒腸仔飯，竟然係標$88。中伏。塊豬扒薄過紙。不得不承認個蔥油汁係幾好味。但質素同價錢完全fail. 荔枝角應該$45內可以有同質素。故仔中有故仔，話說其實哩份係已經第二份豬扒飯，第一次煎唔熟，侍應姐姐一見到就已經話係唔熟換過份俾我，成兩點先食飯，已經餓到暈，但唯有等佢換另一份。等了又等，就係一份普通茶記嘅豬扒煎蛋飯，其實佢哋唔使俾刀我都得，皆因塊豬扒真係薄過紙。我唔明自己典解要千里迢迢黎食份露天茶坐飯，重要收我$88。都只有怪我自己。