真係聽到個價錢都以為自己聽錯，一上枱見到份量勁足，輕輕燒咗陣，口感咬落夠淋身，仲好有嚼勁，唔會乾爭爭，仲保留到肉汁。呢個價錢，呢個質素，真係冇得輸！
肉食方面，極黑和牛牛小排真係不得了！油脂分布好似雪花咁靚，放入口幾乎即溶，肉味好濃郁。
仲有個和牛壽喜燒，職員係你面前燒，配上勁濃壽喜燒汁，湯底甜鹹度啱啱好，和牛片吸滿湯汁，食落好滿足。韓風護心肉・日式味噌黑豚五花・風味雙拼
韓風護心肉第一啖係感受到少少彈牙嘅阻力，但係一咬開呢，啲肉纖維就好鬆化；黑豚五花啲油脂化開，滲出濃濃嘅豬油香，但係一啲都唔覺得膩口，肉質都非常軟嫩，值得一試。
另外一定要試佢個牛油蜜糖日本蕃薯條，甜甜脆脆，蜜糖同牛油嘅香味好夾，但又唔會太甜，一條接一條食到停唔到口。
炸九肚魚都好出色，外皮炸得金黃酥脆，裡面嘅魚肉依然保持嫩滑，點少少椒鹽已經好夠味。和牛炒飯都炒得夠鑊氣，飯粒分明，和牛粒增添咗唔少口感。
飲品方面，個百香果威士忌梳打好有驚喜！百香果嘅酸甜同威士忌出奇地夾，飲落好清爽，好啱配濃味嘅燒物。我平時唔係好飲酒都覺得呢杯好易入口。
最後叫咗個脆脆豆腐雪糕做甜品，豆腐味好清香，雪糕質地好滑，配上脆脆嘅toppings，為成晚畫上完美句號。
