Video
Read full review
2025-07-25
0 views
尋日同朋友搵食，撞正間主打平靚正嘅烤肉店，睇個menu已經覺得抵到笑，即刻坐低開餐！店入面人氣好旺，枱與枱之間唔算逼，坐得幾舒服。侍應哥哥姐姐都幾快手，落單之後冇耐就上齊大半嘅餸，仲會主動幫手換烤網，細節幾加分。必食推介🤗🐮全港最平牛舌：真係要吹爆呢個！8蚊一碟，份量仲好大份，薄薄一片烤到邊緣微焦，咬落爽脆彈牙，蘸少少鹽就夠鮮甜，呢個價錢真係冇得輸，建議一來就先落兩碟！🐮極黑和牛牛小排：油花分布勻稱到好似藝術品，放係烤網上幾秒就聞到陣陣牛油香，入口即溶，肉汁係嘴入面爆開，油脂香好醇厚，雖然價錢比牛舌貴，但性價比一樣好高。其他餸菜都有驚喜：📍栗子豬五花烤到微焦，栗子嘅香甜同豬油香好夾，油脂被逼出後唔會覺得膩；📍 炸入味雞軟外皮脆卜卜，咬開之後肉質juicy，調味夠晒入味；📍柚子瀆雞肉山夠清爽，柚子嘅微酸同雞肉嘅嫩滑好搭，食完烤肉嚟一啖好開胃；📍和牛壽喜燒由店員係面前即場煮，牛肉吸晒壽喜汁嘅甜香，配埋生雞蛋液更滑溜；📍蟹肉蘋果沙律清新爽口，蟹肉鮮甜，蘋果帶點脆感，沙律醬唔會太濃，好適合開胃。飲品方面，冷泡荔枝烏龍茶有淡淡荔枝香，無糖版本飲得健康，蜂蜜生薑茶就夠暖胃，適合唔想飲凍野嘅朋友。📍
尋日同朋友搵食，撞正間主打平靚正嘅烤肉店，睇個menu已經覺得抵到笑，即刻坐低開餐！
店入面人氣好旺，枱與枱之間唔算逼，坐得幾舒服。侍應哥哥姐姐都幾快手，落單之後冇耐就上齊大半嘅餸，仲會主動幫手換烤網，細節幾加分。
必食推介🤗
🐮全港最平牛舌：真係要吹爆呢個！8蚊一碟，份量仲好大份，薄薄一片烤到邊緣微焦，咬落爽脆彈牙，蘸少少鹽就夠鮮甜，呢個價錢真係冇得輸，建議一來就先落兩碟！
🐮極黑和牛牛小排：油花分布勻稱到好似藝術品，放係烤網上幾秒就聞到陣陣牛油香，入口即溶，肉汁係嘴入面爆開，油脂香好醇厚，雖然價錢比牛舌貴，但性價比一樣好高。
其他餸菜都有驚喜：
📍栗子豬五花烤到微焦，栗子嘅香甜同豬油香好夾，油脂被逼出後唔會覺得膩；
📍 炸入味雞軟外皮脆卜卜，咬開之後肉質juicy，調味夠晒入味；
📍柚子瀆雞肉山夠清爽，柚子嘅微酸同雞肉嘅嫩滑好搭，食完烤肉嚟一啖好開胃；
📍和牛壽喜燒由店員係面前即場煮，牛肉吸晒壽喜汁嘅甜香，配埋生雞蛋液更滑溜；
📍蟹肉蘋果沙律清新爽口，蟹肉鮮甜，蘋果帶點脆感，沙律醬唔會太濃，好適合開胃。
飲品方面，冷泡荔枝烏龍茶有淡淡荔枝香，無糖版本飲得健康，蜂蜜生薑茶就夠暖胃，適合唔想飲凍野嘅朋友。
📍驚安燒肉商店Gekiyasu Yakiniku
尖沙咀金馬倫道48號中國保險大廈3樓C號舖
Post
