759車仔麵 (Closed)

午飯時間一個人踱來踱去搵野醫肚，行經759車仔麫見到有8折（請出示會員咭）便排隊買票點食物。原價兩餸一麫底$30+一餸$6+凍飲$7共$43，8折後$34.4。點了牛肚、牛腩和咖哩魷魚，油麫底。買票後搵位座數分鐘送餐姐姐奉上一大碗在我面前⋯份量十足！油麫有咬口，唔霉無油益味，幾好！牛腩和牛肚每款有4、5舊，食落較為硬身多少感覺炆得未夠腍，味道還適中，不過不失！咖哩魷魚，咖哩汁可以，魷魚比較腍，因為「水魷」應該食落爽脆一點是最好的。至於湯底呢味道都幾適中，最重要食完唔口乾！（至怕有些車仔麫店的湯底食完要狂飲水）結合價錢，服務態度，用餐環境，食物質素與份量，是一個不錯的選擇！