豊勝手丼 (Closed)

今日放工同表妹經過銅鑼灣登龍街見到呢間豊勝手丼，裝修非常富有日式風格，樓底又高，門口貼左通告，全部丼飯一律有8折優惠，咁吸引當然要入去試試啦。豊勝手丼食物除左有丼飯之外，仲有多款壽司選擇，日本酒款式亦很多。我地點左由3款唔同海膽製成的三國雲丹丼，加左幾款壽司同一客小食，配左款梅酒慢慢嘆。😙三國雲丹丼由有原板韓國海膽，日本海膽及加拿大海膽，海膽份量超多，賣相非常吸引。韓國海膽比較細件，加上壽司飯包裹係紫菜食，味道唔錯。日本海膽非常香滑鮮甜，加拿大海膽大大件而且味道香醇濃郁，一個人食哂一碗超級滿足。京姬柚子梅酒味道甜香順喉，配燒雞泡魚乾，味道好夾。壽司質素唔錯，表妹點左幾款，刺身厚肉鮮甜，同樣有8折，性價比超高。