南越南咖啡廳

Open Now

Now Closed

Deep sea fantasy，呢一杯 cocktail 非常吸睛，裏面有一啲紅莓載浮載沉，加埋杯面嗰一個透明嘅波波，很是夢幻。南越蟹肉醬配脆球餅，蟹肉醬由新鮮嘅蟹肉鮮拆而成，釀入脆球餅入面一齊食，外脆內爽，非常過癮。脆米紙薄餅，喺脆米紙薄餅上面嘅材料有青瓜、紅蘿蔔同埋呢一隻有少少似臘腸嘅肉粒，佢無傳統臘腸咁鹹咁多肥肉而且帶少少甜味，加埋面頭嘅醬汁，非常滋味。南越法式麵包，法式麵包裏面嘅材料爆滿，除咗扎肉同埋菜呢啲基本材料之外，裏面仲有做法包比較少用到嘅豬耳，估唔到都幾唔錯喎。嫲嫲南越湯招牌金邊粉，湯底肉骨味濃，牛尾蚊得異常軟腍，特別鍾意佢呢一個裝酸魚露嘅樽中間有一條棍仔可以喺倒出嚟之前了吓底下嘅辣椒蒜蓉香料等等，比起平時沉哂底要搖搖搖更加方便。