我同朋友叫咗人氣No.1 米麻糬芒果甘露盛盤同抹茶雙重奏雪花盛，然後瘋狂encore gelato，真係抵到爛！
紅心芭樂：第一啖就諗起台灣夜市嘅甘草芭樂，酸甜清新，仲食到細細粒果肉 黑糖仙草：黑糖味超濃，仙草凍打碎加入去，食落有口感 豆腐味：極似濃豆漿雪糕，朋友話有d似食緊凍豆腐花
米麻糬芒果甘露：芒果超甜！米麻糬煙韌有咬口，撈埋柚子粒酸酸甜甜
抹茶雙重奏雪花盛：夏日消暑必點！抹茶雪糕抹味濃，抹茶&焙茶奶蓋奶香幼滑，仙草雪花冰透心涼，夾埋底層仙草凍，配埋芋圓薯圓、紅豆紫米，口感層次超豐富！
$12任食Gelato真係冇得輸！食完成個人涼浸浸～而家諗起都想再去encore！
