全部都好好食, 水準好好! 除左個泡飯咸左d之外..-_-
乳豬伴海蜇: 份量比較少, 乳豬好似咸得滯, 但海蜇幾好食!
翠玉瓜炒蚌: d蚌好爽好好食! 仲有少少百合, 好甜
當紅炸子雞: 呢個係全晚最好食既送, d雞熱辣辣不特止, d皮仲勁脆!!!
蒸斑: 好似有用油泡過, 但起晒骨, 好正 -v-
薑蔥爆膏蟹: 半席得3隻, 好彩妹妹同爸爸唔食, 每人仲分到1隻! d膏係超多! 雖然隻蟹細d但都好好食!
蜜桃海鮮卷: 最鍾意既菜之一,因為有peach又可以點salad醬, 脆卜卜好香口hahaha
海參燉翅: 真係落足料! 有翅又多海參, 正牙!
花膠炆鵝掌: 又係勁入味好好食, 不過d汁就比較杰, 食左2隻鵝掌就有d漏"
蟹子炒粉絲: 第1次見set有呢d, 不過勁多蟹子, 好好食, 粉絲應該有落少少上湯去燴, 因為都幾夠味!
泡飯: 勁咸, 媽媽話可能係因為驚d飯冇味, 不過d湯既味真係over左, 食左少少冇人食 - -
冰鎮糖心菠蘿: 食得出係新鮮既金菠蘿! 好好食! 好似supermarket買果d咁!
壽包: 都幾大個同好多餡! -v-
成12樣野都係688蚊, 好抵! 仲免加一同茶芥! 值得再食!
