啤啤Bear韓國包車 (Closed)

成日喺社交平台見到呢間Y2K韓國菜，本身諗住試佢個任食五花肉，原來已經完咗仲轉咗另一款🤣.爆芝River甜辣炒雞x小章魚 ( $68 )$68呢個份量真係超級抵，夠3-4人share~雞肉同章魚都大大舊，加上大量芝士🧀拉芝效果滿分💯個汁都幾易入口唔算太辣～本身已經包1個烏冬，唔夠食嘅可以加$8全枱任食韓國彈彈烏冬，想唔飽都難🤣.White無骨炸雞 ( $158 )大大件炸雞加上酸忌廉醬，皮薄肉嫩熱辣辣🔥不過油咗啲，配啤酒就perfect match!.甜蜜蜜糖葫蘆x夏日清爽青提沙冰🍧 ( $138 )每日限量供應~青提冰糖葫蘆略甜，配上青提沙冰就啱啱好👍🏻無論係解辣定消暑都啱晒☀️.睇韓劇都知食韓國野通常都會配啤酒，呢期餐廳做緊Terra啤酒買2送1，仲有新品白熊果味小麥啤，都幾易入口，可以試試～唔飲酒嘅都有啲特色無酒精飲品🍸.留意返呢度有最低消費人均$150（連加一）同埋睇comment見夜晚會旺場啲有氣氛啲～記得book定位！