銀咖哩 (Closed)

是夜到吉之島買沙律菜開始減肥大計，原本打算到商場上面食，但係未行到上去已經比勁大堆頭0既咖喱飯吸引住。本著食埋今餐再減0既精神，對腳不由自主咁行左入去......買左之後就坐響度等妹妹仔拎餐過黎喇~點知個妹妹仔放底就走人，餐具都唔比一份我地，難道要我地用手食?唔細心~不過咁0既價錢冇得期望咁多野~1.5公斤富士山咖喱飯:一睇~嘩！！好大個!!飯面上有隻蛋，蛋上面既芝士溶得七七八八，芝士上面有肉餅~仲有腸仔同吉列豬扒......肉餅真係好juicy!好香既肉味，中間仲有肉汁，唔似m記乾爭爭，唔錯！隻蛋仲係太陽蛋，蛋白係鼻涕狀，我唔係咁0岩=..=，但係撈埋d芝士汁同醬汁一齊，第一二三啖都覺得好好味，第四啖開始就覺得好膩囧...仲要開始食到鼻涕狀蛋白，真係有d不安......吉列豬扒就鞋左些少。d飯係珍珠米，所以比較黏口，個咖哩汁料頭唔多，得薯仔(唔知係唔係我地黑仔)，不過個味都幾香，甜甜地，但係冇咩辣味。我同朋友仔兩個人都食唔晒呢個1.5公斤既富士飯，我諗三個人share就0岩0岩好喇。食完今餐之後，呢半年都唔會再食咖哩喇......因為實在太大堆頭＝　＝