先講吓出面有啲咩放題可以攞啦!其實我覺得種類幾多,包括一般嘅菜、丸、烏冬、拉麵、公仔麵、雪糕、甜品、咖喱飯,仲有幾款嘅飲品可以揀!我覺得算整得唔錯㗎啦,以呢個價位!
我叫咗美國特上牛小排套餐,其實我唔係好肯定係咪呢個,但我見個價錢應該係啱嘅!

黑蒜油豬骨湯😚
因為我朋友叫咗普通嘅甜醬油所以我就選擇左呢一個黑蒜油豬骨湯啦,我覺得始終都係甜醬油比較好食,不過呢度嘅黑蒜油都唔係特別嘅,我覺得比較多油啦!正正常常,不過不失啦!

美國特上牛小排😍
呢個就係肉,我覺得呢個肉係整得幾好嘅,每一片都切得幾薄,而且真係入口即溶,係一啲靚嘅牛肉,而唔係嗰啲好cheap嘅感覺!所以呢我覺得都有少少油膩,我配烏冬食都食到最後要走嘅時候都仲未食曬嗰啲牛肉!



