天吉屋 (Closed)

係朗豪坊買完野，時間先係5點幾6點。仔話天吉屋冇乜人排隊喎，又早，不如早D去食。因為上次黎到排勁長龍，唔想等就食左其他野。咁今日上去，又真係唔多人喎，唔夠10個人排隊，是旦啦，排下啦。點知就中伏了，排左條隊都唔郁既，每5-10分鐘先入一枱人。結果等等下，唔等又唔抵，等又企到腳軟。最後等左1個鐘有多先入得座。食物其實唔多，得5款既揀。最平好似108。不過咁，都值得等既，真係幾好味。一坐底有菜食，重要冇限refill，真係食菜都可以食飽。其實都好既，因為佢基本全炸野，真係好熱氣同好漏，真係應該食多D菜。All Star，都幾多炸物，睇個碗好似好深好大碗，其實飯量好少，因為隻碗得一半架咋，下半個底有我成隻手指尾咁高。食緊時我重話要插2隻筷子，一出一入對比圖黎睇，個碗底有1/3隻筷子咁高的，不過食完又唔記得影相。仔仔叫的雙吃，有冷麵同飯，佢個碗飯好似好細碗，其實飯量同All Star一樣呢。不過碗細，炸物就比All Star少好多啦。最後，我食左半碗左右已經好飽，因為D炸物真係好漏丫，我碗既炸物重分左1/3 比仔仔。而仔仔食完自己的，再清埋我的。同仔出街食飯真係好開心，一定唔會浪費，佢次次都可