潮館 (Closed)

2010年6月20日 荃灣 ( 潮館 - 5 )親友茶聚，再次來到潮館飲茶。脆皮素鵝，香脆好味。春卷，外皮香脆，餡料過腍。牛展伴海蜇，牛展腍甜，海蜇爽口。潮汕蝦餃皇，蒸得咁核突，掂樣稱皇呀，味道都OK嘅。家鄉鹹薄撑，家鄉貧乏，無乜料。蒜茸蒸鮮魷，惹味好吃。滷水拼盤，比較有水準的一味。富豪炒飯，炒得幾乾身，但咁少料，恐怕富豪見到會掉頭走。每次來潮館都很多人，環境比較嘈雜，食物水準總覺唔穩定。