Video
Read full review
2021-02-12
131 views
比女朋友嘅教導下，我都學上網搵有乜平嘢食。而家外賣盛行，仲有唔少優惠，但我無諗過埋單$55(用咗$70-$15優惠碼)買到三個餐，平到唔可能。餐廳就係天后嘅火五越式牛肉粉，我用電話落單，好快就有得拎，店員仲幾好禮貌。由於我唔知份量，驚$21嘅牛河會好迷你，所以叫左兩個，點知揀咗多粉真係多😂，食一碗都飽哂。我哋河同檬粉都有叫到。肥牛量亦係癲，有成抽，浸返湯就變返一片片，個湯都正正常常，唔味精。外賣粉嘅器皿有用心設計，會將湯同粉分開上，唔使額外再加錢或浪費多個碗，抵讚。另外$28蚊嘅炭燒鰻魚飯又係性價比極高，飯多，用上珍珠米，鰻魚汁好味，但多啲就好。鰻魚有成半大條，仲多過人哋賣$88果啲。另有酸薑、醃蘿蔔、紫菜同木魚絲，以呢個價錢而言，滿分。
比女朋友嘅教導下，我都學上網搵有乜平嘢食。而家外賣盛行，仲有唔少優惠，但我無諗過埋單$55(用咗$70-$15優惠碼)買到三個餐，平到唔可能。餐廳就係天后嘅火五越式牛肉粉，我用電話落單，好快就有得拎，店員仲幾好禮貌。
由於我唔知份量，驚$21嘅牛河會好迷你，所以叫左兩個，點知揀咗多粉真係多😂，食一碗都飽哂。我哋河同檬粉都有叫到。肥牛量亦係癲，有成抽，浸返湯就變返一片片，個湯都正正常常，唔味精。外賣粉嘅器皿有用心設計，會將湯同粉分開上，唔使額外再加錢或浪費多個碗，抵讚。
另外$28蚊嘅炭燒鰻魚飯又係性價比極高，飯多，用上珍珠米，鰻魚汁好味，但多啲就好。鰻魚有成半大條，仲多過人哋賣$88果啲。另有酸薑、醃蘿蔔、紫菜同木魚絲，以呢個價錢而言，滿分。
Post
