鮮選壽司 (Closed)

特登上山頂試一下鮮選壽司山頂限定Menu，由於商場可以直接看到廚房狀況，留心的話會留意到部分壽司是預先做好的。一入座張枱勁濕抺唔乾，包濕紙巾仲好似有魚油晌上面，最後要自己拎私伙濕紙巾再抺一次。日本藍旗吞拿魚拼盤,壽司郎同佢都係咁,永遠都唔知點解咁既款都叫做大拖。軍艦壽司塊紫菜放一陣就淋，堂食其實係無得整定，可惜今日最貴的伊勢龍蝦壽司嚟到塊紫菜已經淋過謝霆鋒整嗰件雞蛋仔，可想而知個軍艦底整咗幾耐、廚房有幾懶。其實另外叫咗件海膽軍艦又係同樣情況，浪費咗其他食材。鮮選壽司個壽司飯係好過壽司郎，吞拿魚同壽司郎一樣講彩數都會好少少，不過軍艦壽司我諗係要同佢保持返個距離。