Salamat Cafe (Closed)

「salamat」呢個外文字原來翻譯起來即係感謝o既意思，佢係間唔大o既餐廳，一角為open kitchen，繁忙時間見住廚師們埋首工作，餐檯o個邊一面有住貓貓造型燈飾，另外兩邊有雙向玻璃窗，採光度十足，雖然正午時份可能會有少少熱。

一坐低，侍應哥哥見我地又袋又盛，俾o左個藤籃我地裝o野，非常貼心。午餐先有一個daily soup，侍應哥哥介紹今日呢個係甘筍薑忌廉湯。橙與白o既衝擊中顯露高雅o既雲石pattern，會品嚐到甘筍清甜o既味道，加一點兒唔過火o既薑o既辣度。

甘筍薑忌廉湯

甘筍薑忌廉湯

黑松露忌廉汁吉列雞柳&野菌意大利飯($72，午餐平日無加一) o既雞肉去晒皮，risotto o既飯粒偏硬身，蘸上非常濃厚o既忌廉醬汁。黑松露自然散發住淡淡o既獨特氣息，連同瀋上o左大量芝士碎，口感豐盛。

黑松露忌廉汁吉列雞柳&野菌意大利飯 ($72)

黑松露忌廉汁吉列雞柳&野菌意大利飯

黑松露忌廉汁吉列雞柳&野菌意大利飯

香燒美國肯瓊香料豬肉眼扒配燒菠蘿&雜菜沙律($88) 真係救命，超犯規，塊扒厚到……我諗有3-4 cm！原來豬扒都有肉眼部位，佢外面燒得甘香惹味，一切開，裡面雖然厚身，但唔都會唔熟或者過熟，好考廚師功架，同埋好難得成舊o野咁厚都醃得咁入味，呢個真係幾surprised，讚！

1

香燒美國肯瓊香料豬肉眼扒配燒菠蘿&雜菜沙律 ($88)

1

香燒美國肯瓊香料豬肉眼扒配燒菠蘿&雜菜沙律

餐飲除o左檸茶檸水仲有中國同日本茶——食西餐配中國茶係咩玩法？即管試下。嗌o左一杯玄米茶，一杯鐵觀音。雖然從招紙無辦法睇到係邊個品牌，但個茶包非常之精緻，應該都係靚o野。三角立體設計，裡面裝住多片原片茶葉，加水沖多杯都仲得。

鐵觀音

玄米茶