鍋霸吃到飽台式養生火鍋 (創興廣場)

Open Now

Now Closed

朋友從英國來港旅遊，我除咗帶佢參觀景點，仲同佢去食好嘢，今日就去咗旺角鍋霸吃到飽台式養生火鍋食晚餐，餐廳推出4.5小時任飲任食火鍋放題.夠曬時間傾計同食野，台式火鍋湯底有多款任選，並提供超過60款火鍋配料任吃。餐廳環境闊落，座位寬敞舒適。吃到飽養生火鍋套餐分級數選擇，方便客人選擇自己的口味。我哋揀咗第三級: 西班牙伊比利亞黑毛豬。湯底揀咗養生椰子雞涮涮鍋拼藥膳胡椒豬肚雞鍋。每款湯底都非常足料，味道香甜。所有任食火鍋配料都好新鮮。美國安格斯牛肩胛肉、西班牙無激素豬肉片、西班牙伊比利亞黑毛豬，因為係薄切，只需灼幾下就食得，入口肉質鮮嫩，肉味香濃。游水海蝦、白鱔片、花膠片、黑毛肚、芋頭貢丸、白魚蛋等都爽口彈牙。其他火鍋配料都好多選擇。食足4.5小時，足夠時間試曬，真係吃到好飽至走。最後每人一杯名牌雪糕做甜品。