配上餐湯，可惜餐湯唔夠熱。
因為我哋有4個人所以梗係揀咗4送1的優惠，真係勁抵，頭盤揀咗生牛肉他他、雜菜沙律同阿根廷自家製餡餃，個生牛肉他他好正，記住揀。
個main就揀咗加錢嘅肉眼、里脊同西冷扒，再加個燒雞，4樣都好好食，真係物超所值，就算無4送1嘅餐都超抵。3款扒之中我自己最鍾意肉眼，第二係西冷，其實里脊都好食嘅，不過只係有比較之下就有高低之分。個燒雞其實都幾好食，肉質都幾嫩滑。
配菜就揀咗薯蓉、西蘭花同埋燴蘑菇，其實都有揀薯條不過openrice只可以post 12幅相所以post唔出嚟。
呢度嘅甜品都幾正，真心物超所值。
