酒鍋 (天文臺道) (Closed)

尖沙嘴分店座落於尖沙嘴與佐敦之間的韓國街天文臺道，個人感覺佢成個裝修風格中式帶有少許西式現代風味，主要座位設計成卡座，相對隔音較高，所以就算同朋友仔大聲少少都唔洗太過擔亡影響其他食客。尖沙嘴酒鍋亦設有露台開放，所以吸煙的朋友仔唔需要擔心冇地方食煙啦！今次非常有幸食到酒鍋新推出的4種辣湯底咁究竟呢4種湯底有咩分別？又有咩配料？大家可以參考下張menu啦。因為今次試4種辣湯底，所以個人建議醬料唔需要太重口味（湯底味十足）上鍋的速度好快，等唔夠5分鐘就上咗啦！式酸辣湯/印度焜炸雞湯/墨西哥青椒牛腩辣湯/西川麻辣）我個人就好喜歡港式酸辣湯，比較啱我個人口味，但其他三款都非常好味。如果喜歡川味重的朋友仔可以嘗試西川麻辣，麻辣味道認真夠地道。刺身非常新鮮。牛肉同羊肉的味道濃厚，但注意羊肉味道未適合所有人喔，至於各類餃丸，個人極力推薦黑松露蝦蟹餃（夠曬足料），經由辣湯底煮熟鮮味更加突出！麻辣小籠包湯水夠多，加上辣醬夠曬刺激味蕾。福袋有唔同餡，響鈴配合4種辣湯底，個種味道認真一流，最後熊本熊造型的餃子簡直係味道同外型吸引力十足！