Video
Read full review
2023-04-02
1600 views
食物質素尚可,可惜貴價較貴食品,基本上7點半開始已經冇refill,甚至乎係冇貨,但係唔好忘記佢六點半開始入席!如果你book七點基本上冇乜嘢食首先入座安排咗窗口位非常滿意,但係每張凳嘅坐墊,都有不同程度嘅醬汁漬或者茶漬,希望佢換咗佢啦,第一眼真係好礙眼樓底高好舒服環境好好,侍應非常有禮貌,收碟程度極度快輪到食物,沙律吧ok多款式燒肉,叉燒,燒雞,pizza,鮮筍蝦餃,鮮蝦燒賣,叉燒包,薑汁糕,有幾種生滾粥,刺身有吞拿魚,三文魚,甜蝦帶子,希靈魚,燒牛扒,威靈頓牛扒片皮鴨海鮮有青口,翡翠螺,凍蝦,蟹腳熟食區有羊扒,唔知咩炒菜心,帶子炒西蘭花,椒鹽鮮魷,每日例湯,生炒牛肉飯甜品冇乜款式,有雞蛋仔,terimisu,馬卡龍,Haagen dazs雪糕 4款飲品有三款fruit punch,凍茶,蜜桃凍茶食物係咁上下,多就冇喇搞笑情況請睇睇以下六點半入座,七點十分去攞蟹腳,已經等咗十幾廿分鐘先refill,之後下一轉已經係八點再fill,八點呢轉之後基本上唔再出蟹腳帶子刺身又爆笑,我7點20分去攞,聽到佢叫師傅仔麻煩掹咗帶子個牌,已經冇曬貨,朋友七點三十分問佢想要帶子,佢話已經冇曬😩最爆笑嘅
首先入座安排咗窗口位非常滿意,但係每張凳嘅坐墊,都有不同程度嘅醬汁漬或者茶漬,希望佢換咗佢啦,第一眼真係好礙眼
樓底高好舒服環境好好,侍應非常有禮貌,收碟程度極度快
輪到食物,沙律吧ok多款式
燒肉,叉燒,燒雞,pizza,鮮筍蝦餃,鮮蝦燒賣,叉燒包,薑汁糕,有幾種生滾粥,刺身有吞拿魚,三文魚,甜蝦帶子,希靈魚,燒牛扒,威靈頓牛扒片皮鴨
海鮮有青口,翡翠螺,凍蝦,蟹腳
熟食區有羊扒,唔知咩炒菜心,帶子炒西蘭花,椒鹽鮮魷,每日例湯,生炒牛肉飯
甜品冇乜款式,有雞蛋仔,terimisu,馬卡龍,Haagen dazs雪糕 4款
飲品有三款fruit punch,凍茶,蜜桃凍茶
食物係咁上下,多就冇喇
搞笑情況請睇睇以下
六點半入座,七點十分去攞蟹腳,已經等咗十幾廿分鐘先refill,之後下一轉已經係八點再fill,八點呢轉之後基本上唔再出蟹腳
帶子刺身又爆笑,我7點20分去攞,聽到佢叫師傅仔麻煩掹咗帶子個牌,已經冇曬貨,朋友七點三十分問佢想要帶子,佢話已經冇曬😩
最爆笑嘅竟然係北京填鴨,聽到隔離嗰枱講咗四~五次,去拎北京填鴨,竟然係冇包住嗰塊皮,鴨係有呀!但係嗰塊皮蒸唔切呀,我食咁多年buffet都係第一次聽!但係佢全程都唔係多人拎㗎喎!
雖然話就話唔係好貴!但係話曬都係自助餐,點可能七點半開始幾種比較受歡迎嘅食物,已經冇貨!完全係講唔通
中途會有特色食物,自己出去排隊
燉湯,芝士焗龍蝦,鮑魚鵝掌,火焰蛋糕
燉湯幾好味,龍蝦尚可,鮑魚朋友話好腥,蛋糕普普通通本來唔鍾意食呢舊嘢!
所有食物質素係ok以上,如果諗住同朋友坐低傾下偈係冇問題嘅,佢可以坐到九點半舒舒服服!但係好注重食物嘅人,就真係諗清楚啦,佢真係唔多嘢食
入場時候嘅蟹腳情況
七點半至八點嘅蟹腳情況
Post
