Read full review
2019-09-24
114 views
突然間咖啡癮起，還記得早幾年有一間風魔一時嘅3d咖啡拉花，好想返去再試一杯，但好可惜嗰間餐廳已經結業，但係好彩嘅係，響同一個地址有另外一間都係主打3d拉花嘅咖啡店，雖然唔知兩間有冇關係，但已經好想快啲再試下。咖啡店基本上用上全黑嘅設計，十分有格調及型格，基本上都好適合我哋呢啲文青去食飯。主菜價錢唔貴，100多就有交易，當然我哋今次嚟嘅重點唔係食飯啊，而係佢杯咖啡，由於女朋友嘛嘛啲咖啡，經過攝影推介後，就叫杯cocktail燒雞雜菜蕃茄汁意大利飯。意大利飯既汁都算足夠，番茄味亦都濃郁，雞肉都算淋身，算係一個穩陣嘅菜式。芝士牛肉漢堡配薯角。主菜方面我比較推薦呢個，薯角粗身啱啱炸起熱辣辣。漢堡嘅包身有心思，並唔係嘉頓麵包嘅貨色，拱得鬆軟。而漢堡包重點當然係漢堡扒上面，漢堡扒係厚切，而且肉汁豐富，咬落去好有滿足感。Ocean Secret呢杯Cocktail賣相都係好靚，落咗些少桃味，仲溝咗唔少Vodka。不過飲起嚟就都偏向果味，酒味唔太濃烈，十分適合女仔。Cafe Latte相信今次嘅重點都係呢杯咖啡喇啩。一上枱嘅時候大家都尖叫，竟然係樂天熊仔餅嘅樹熊仔，賣相當然毫無疑問咁靚啦，啱哂啲鍾意打
突然間咖啡癮起，還記得早幾年有一間風魔一時嘅3d咖啡拉花，好想返去再試一杯，但好可惜嗰間餐廳已經結業，但係好彩嘅係，響同一個地址有另外一間都係主打3d拉花嘅咖啡店，雖然唔知兩間有冇關係，但已經好想快啲再試下。
咖啡店基本上用上全黑嘅設計，十分有格調及型格，基本上都好適合我哋呢啲文青去食飯。
主菜價錢唔貴，100多就有交易，當然我哋今次嚟嘅重點唔係食飯啊，而係佢杯咖啡，由於女朋友嘛嘛啲咖啡，經過攝影推介後，就叫杯cocktail
燒雞雜菜蕃茄汁意大利飯。
意大利飯既汁都算足夠，番茄味亦都濃郁，雞肉都算淋身，算係一個穩陣嘅菜式。
芝士牛肉漢堡配薯角。
主菜方面我比較推薦呢個，薯角粗身啱啱炸起熱辣辣。漢堡嘅包身有心思，並唔係嘉頓麵包嘅貨色，拱得鬆軟。而漢堡包重點當然係漢堡扒上面，漢堡扒係厚切，而且肉汁豐富，咬落去好有滿足感。
Ocean Secret
呢杯Cocktail賣相都係好靚，落咗些少桃味，仲溝咗唔少Vodka。不過飲起嚟就都偏向果味，酒味唔太濃烈，十分適合女仔。
Cafe Latte
相信今次嘅重點都係呢杯咖啡喇啩。一上枱嘅時候大家都尖叫，竟然係樂天熊仔餅嘅樹熊仔，賣相當然毫無疑問咁靚啦，啱哂啲鍾意打卡嘅朋友仔啦。哩只熊仔嘅奶泡都比較傑身，所以我都冇惗住飲呢隻熊仔，畢走左之後就飲下面啲咖啡，咖啡都係香濃細滑，十分唔錯。
總結，如果你係為咗影靚相，淨係一杯3d咖啡基本上已經可以比個正評，但如果你真係想嚟食下嘢，甚至乎飲下酒，哩度嘅雞尾酒同漢堡都可以滿足到你。
Post
