到買單嗰時就會好肉赤💸💸💸
呢間有得食放題就啱晒我🤤食幾多都得 食到捧住個肚走🤰🏻
呢度個串燒選擇算多 除咗串燒
亦有網燒嘅食物 同埋熟食
居然仲有得燒菠蘿 蒜蓉包 同棉花糖
呢幾樣係我覺得最特別嘅🥰
串燒嘅調味本身已經好足夠🤤🤤
雖然旁邊都有extra嘅調味料 但我覺得唔洗落已經好好味
尤其係香草羊架同埋燒扇貝😍😍😍
個人覺得有兩個位特別抵讚
第一係 佢嘅串燒爐好好用
只要放串燒上去 就可以完美卡住
之前試過去一間串燒店 部串燒機又卡唔住條串燒
啲肉又串唔實 一路燒就一路fing fing 下🥲
但呢一間就完全冇呢個問題🥰🥰
第二係 飲品選擇多
舖頭好清楚食串燒咁油膩 一定會又口乾又想解膩
佢自家整咗唔少飲品
淨係檸檬薏米水我都飲咗3杯 正呀😍
