翠河餐廳 (Closed)

行完太子搵裝修物料，行到腳仔軟，天氣又熱，又倦又口乾，17:20應該仲有tea食掛，行去翠河睇下先！下午茶餐牌未收，價錢又$3x到$40，價錢睇落去唔算平～坐到卡位仲可以坐窗口位添！室內環境光猛～我叫凍好立克，佢自動升級黎左柸芽好立克！Tea set 係豬扒包配瑞士雞翼（$38/1客）凍飲+$3豬扒包雖然有d偏油，但幾好食，有d豬扒包乾爭爭乜都冇，佢就好在有生菜絲有蕃茄仲有美味嘅沙律醬，豬扒少少肥肉，好嫩滑，好食！瑞士雞翼色澤好靚，算大隻多肉，雞肉夠林，雞翼仲連尖添，正！俾你地睇下豬扒包有幾juicy!埋單2人$82！價錢唔算平，但佢幾豐富，食到好飽飽，我晚餐都唔駛食喇！