話說啟德近年新舖開到燶，但要搵間抵食夾大件嘅打冷小炒，真係要靠緣份！直到遇上呢間「大池記」，先發現原來啟德都有呢種街坊價、足料又好味嘅隱世大排檔💎
今晚兩個人撐檯腳，睇住張單都覺得癲左😲潮汕鹵水元蹄$60一份，鹵水滷到入晒骨，豬皮Q彈入味，肉質鬆軟唔柴，仲要份量十足，一個餸兩個人share都夠晒喉！跟住個自選潮汕鹵家孖寶$228，鹵水鵝件拼墨魚真係絕配！鵝件皮脆肉嫩，鹵水香味濃郁到冇得彈；墨魚爽彈鮮甜，每一啖都係大海嘅味道🌊仲有個花菰滑雞煲（例），雞肉嫩滑入味，花菰吸晒雞汁精華，惹味到癲！再叫兩碗白飯$12，拌住啲汁食，簡直係碳水天堂～
最誇張係仲有特價小菜38蚊一個，每檯可以點兩個！呢個價錢喺啟德簡直係做慈善🥳無論係街坊落街食飯，定係約埋朋友傾計吹水，呢度都係絕佳選擇！環境夠晒大排檔風味，師傅落鑊鑊氣十足，食得出嘅镬氣同真材實料～
講真，喺啟德呢個新區，想搵間抵食、大件、好味嘅打冷舖真係唔易，「大池記」絕對係良心之選！兩個人食到捧住個肚走，先使300蚊，抵到你唔信！仲等咩？今晚就約埋朋友衝啦🐛
📍
