今日經過見到佢有D午市定食好似幾好幾抵咁，又唔駛排隊，所以我地 2 個人就入左去試啦。無哂卡位，唯有坐吧檯啦。叫左一個魚生飯定食，佢仲有生春卷同埋麵豉湯。另外叫左個韓式豚肉烏冬+壽司定食。
生春卷幾好食，因為真係有好FRESH既感覺，有蟹柳青瓜等，食落好爽口! 加埋佢同D蛋黃醬好夾，所以真係幾好食。魚生飯就勉強OK啦，魚生唔算多但勝在都算新鮮唔太差，不過我覺得佢D飯太黏，個人黎講就唔太喜歡。份量都唔小架。
壽司得 4 件，個刺身好鬼薄架咋，而且唔係用好靚既部分，但都唔難食既。鱈場蟹柳幾好食，不過解凍未夠。反而豚肉烏冬就好食喎，有好微既辣好惹味，豚肉好肥美好正，不過得幾舊。用料多，不過烏冬少，芽菜仲多過烏冬，份量真係幾細下。
不過$38既價錢又唔可以有太高既要求，下次再有新野都可以試下，不過大前題一定係唔駛排隊。=)
