新合成燒臘飯店

Open Now

Now Closed

要講到香港嘅本土情懷，除咗蛋撻菠蘿包之外，燒味都係必試之一。當日喺佐敦買咗少少日用品之後，行過呢一間餐廳，係玻璃櫥窗望到啲燒味閃閃亮亮，特別吸引，而且外賣嘅雙拼飯盒只係$35 ，今晚同老公一人叫一盒，食唔晒仲帶咗少少第日晏晝(⁎⁍̴̛ᴗ⁍̴̛⁎)我揀咗叉燒白切雞多薑蓉，老公揀咗燒鴨燒肉，先講半肥瘦嘅叉燒，帶點甜嘅醬汁相當滋味，白切雞好滑雞脾唔算好肥；燒鴨嘅肉質相對地較實淨，燒肉皮脆肉爽。另外當然唔少得佢嘅包裝咗小食類別，滷水雞翼、滷水鵝翼一定要叫返兩份來配合啤酒，滷水唔會太鹹，忍唔住拎手食到舔舔脷。