但馬屋 (V City)

Open Now

Now Closed

好耐冇食日式火鍋，聽屯門既朋友話vcity新開左間馬但屋，用唔貴既價錢就可以食到和牛，約我一起去試下，聽落咁吸引，就緊係要試下啦。 晚餐時段去到已經好多人排隊，好彩唔洗等太耐就可以入座。餐廳環境不錯，有很多綠色植物，感覺舒適。而自助的地方都好整潔，值得一讚。 最平果個任食牛肉套餐係179，但我地見加多百幾蚊就可以轉任食和牛，所以就揀左309既日本產黑毛和牛及北海道夢之大地豚，真係超值！ 揀完餐之後就可以揀湯底，呢度最特別就係每人一鍋！我揀左甘露鍋，甜甜的豉油味同蔬菜非常夾，特別用黎煮蘿蔔、冬瓜真係超好食，超級推薦！ 呢度既和牛雖然未到入口即溶，但都頗為軟滑，而且牛味濃郁。豚肉都好出色，味道豐腴。 自助蔬菜區d蔬菜好新鮮！丸類比普通打邊爐店出色，好彈牙而且食得出唔多粉。 除左任飲的罐裝飲品外 ，仲有自家製雪梨茶、排毒水同酸梅湯飲。 最後一定唔少得就係甜品，呢度可以任食四款味道既Haagen Dazs 真係夠曬重本！ 呢間馬但屋我覺得比同類型既餐廳出色，值得黎試下。