達摩元祖麵屋 (Closed)

位於尖沙咀寶勒巷嘅達摩元祖麵屋，門外見到大大個達摩，原來背後蘊藏着日本嘅文化同精神。麵屋元祖達摩嘅理念幾得意，商場日本文化入面，圓碌碌嘅達摩就好似一個不倒翁，寓意做永不言敗、永不跌倒，而麵屋元祖就希望鼎承達摩精神，堅持為客人送上最新鮮的食材，每位客人都可以賓至如歸、飽嘗難忘嘅風味。咁岩呢排做緊期間限定嘅$30任加拉麵配料，只要幫襯一碗拉麵就可以1小時入面任加拉麵配料，見到咁著數我二話不說就決定入去掃食返一餐。真係好好好好好好正，無論係溫泉蛋、豬軟骨、豚肩叉燒，定係各種嘅配料例如紫菜、海藻、木耳等麵可以隨便叫！好抵好好食呀！由於有飲食嘅關係，所以我就叫左一個最平嘅味噌湯拉麵，淨係本身拉麵都已經有半隻溫泉蛋同埋一大塊肉，再叫左兩轉任食配料，真係點食都抵到爛！由於溫泉蛋實在太好味，入邊係半流心，所以我總共食咗三隻半😂豬軟骨唔會太多肥膏，筋同埋肉嘅比例一半一半，啱啱好🤤粟米亦都好甜👍🏾最重要嘅係你食唔夠仲可以加埋拉麵添，估唔到原來佢$100就可以食到咁多嘅份量，鍾意食拉麵嘅你一定一定要去試吓啦，趁住呢一個優惠仲未完快啲去啦！