海街丼 (東港城)

Open Now

Now Closed

海街丼喺商場入面好就腳但門面令人好似置身日本街頭咁入到去發現裝修同樣好靚小至筷子托都非常可愛 🍶環境亦企企理理而防疫方面，店員會幫手探體溫～【海宝丼（特上）】難得出街食一定要對自己好啲 🤣我點咗足足有 10款海鮮嘅特上海宝丼！最上層有甜蝦、扇貝、海膽、雪蟹肉同三文魚籽兩隻甜蝦都比一般嘅大隻呢海膽份量都多，味道勁鮮甜喺呢啲刺身下仲有吞拿魚、章魚、穴子、蛤蜊、白身魚同青瓜粒每一啖都食到刺身每一樣刺身都新鮮到爆不愧係日本直送呀～另一方向就見到鋪滿哂雪蟹肉㗎咁樣一梳梳蟹肉大啖食好正 🦀絕對品嚐到雪蟹嘅鮮味，哈哈配菜嘅涼拌茄子都好味【特上吞拿魚蓉丼】朋友嗰個海鮮丼就有吞拿魚蓉、海膽同三文魚籽側拍啲吞拿魚蓉堆得幾高㗎 🗻 賣相好有睇頭吞拿魚蓉綿滑不在話下三文魚籽嘅鹹鮮味令個丼更有層次兩者味道都好夾 👍🏻呢度嘅海鮮丼係有 3 種食法第一種係加刺身豉油同芥末之後可以落綠色小碗裝住嘅特製醋啫喱咁樣可以自己 adjust 海鮮丼嘅醋酸度最後一個食法係倒入熬製嘅鯛魚高湯將海鮮丼變成茶漬飯咁食啲湯放咗喺右邊嗰個型格嘅保溫壺度Keep 住暖笠笠㗎 😍食完刺身再試呢個溫暖嘅茶漬飯又幾好喎而且個湯真係好鮮味好好飲！