$298 就享受到五星級酒店中菜晚宴⁉️
餐前小食、湯、主食、甜品樣樣有！
金磚豆腐，外皮鹹香酥脆，內裡柔軟。
一定要叫呢個蜜餞西班牙黑毛豬叉燒，係近期食過最出色嘅叉燒，肥瘦適中，蜜汁香甜。
選擇兩款嘅湯品都超養顏，蟹肉燕窩羹，啖啖燕窩超足料！杏汁花膠燉菜膽，超大舊花膠！
主食原籠荷香瑞草蒸雞，雞肉嫩滑帶點荷葉香氣；
宮保爆蝦球，香甜微辣，送飯一流。
飯麵就揀咗欖菜薑米蛋白炒飯，炒得香口，忍唔住爬晒成碟飯。
佢哋嘅遠年陳皮紅豆沙，入口綿密清甜，超好食；
想解暑解膩可以揀楊枝甘露。
今次到訪的確有驚喜，而且呢個價位係五星級酒店享用中菜，性價比非常之高。下次想食中菜，不妨一試東涌喜來登采悅軒。
𝖶𝖾 𝖯𝗂𝖼𝗄
🔖 采悅晚宴
🔖 蜜餞西班牙黑毛豬叉燒
