Video
Read full review
2010-09-13
159 views
最近，買完外賣經過蘇杭街，見到呢間佳記最多人喺出面等！相信係好食夾大碟，所以經常都咁多人！就連我幫襯果日╴出面都起碼 20 人等位或外賣。我睇吓個餐牌，超值午餐：外賣 $25 / 堂食 $28 送熱飲或例湯，幾抵食喎！當日超值午餐包括：洋蔥豬扒腸仔飯、黃金蝦仁炒飯、乾炒豬頸肉公仔麵、紅燒豆腐火腩飯、瓜粒鴨脾湯飯....... 真係令人垂涎！我的超值午餐：黃金蝦仁炒飯 + 例湯 ( 外賣 $25 ) 黃金蝦仁炒飯 以雞蛋、蝦仁、蔥粒、粟米一齊炒，炒得乾身，仲成盒滿。一打開飯盒，已經聞到好香，咸味恰到好處。驟眼睇好似唔覺有蝦仁，其實唔多，一食落淡而無味，無計啦！雪藏蝦仁始終平過新鮮蝦；即時令到成個炒飯失色！粟米份量亦唔少，又甜又爽！例湯 - 花生眉豆雞腳煲唐排湯煲得夠耐，算濃，只係咸咗些少！仲有花生眉豆食，兩者煲得夠腍！
相信係好食夾大碟，所以經常都咁多人！就連我幫襯果日╴出面都起碼 20 人等位或外賣。
我睇吓個餐牌，超值午餐：外賣 $25 / 堂食 $28 送熱飲或例湯，幾抵食喎！
當日超值午餐包括：洋蔥豬扒腸仔飯、黃金蝦仁炒飯、乾炒豬頸肉公仔麵、紅燒豆腐火腩飯、瓜粒鴨脾湯飯....... 真係令人垂涎！
我的超值午餐：黃金蝦仁炒飯 + 例湯 ( 外賣 $25 )
黃金蝦仁炒飯
以雞蛋、蝦仁、蔥粒、粟米一齊炒，炒得乾身，仲成盒滿。一打開飯盒，已經聞到好香，咸味恰到好處。驟眼睇好似唔覺有蝦仁，其實唔多，一食落淡而無味，無計啦！雪藏蝦仁始終平過新鮮蝦；即時令到成個炒飯失色！粟米份量亦唔少，又甜又爽！
例湯 - 花生眉豆雞腳煲唐排
湯煲得夠耐，算濃，只係咸咗些少！仲有花生眉豆食，兩者煲得夠腍！
Post
