想食好耐架啦 今日見冇咩人 就去左食
餐牌有中有英 但店員似乎都係南亞人 見佢地都係用英文溝通
叫左個芝士pizza (cheese) $25一塊 點完 拎張單就 搵個位坐底
見佢有開放式既廚房 衛生都算有保証
張單同mos buger果d唔同 冇大大隻數字寫低幾多號
坐底冇耐 店員都有主動黎睇睇 跟一跟張單 唔錯
雖然廚窗有d pizza放係度 但都等左陣 唔知佢翻熱定點 都等左幾分鐘
唔係即刻送到
尼度既薄餅同必勝客食到既好唔同
尼度既薄餅 好軟 但又有d煙韌 必勝客果d 硬d厚d
個芝士薄餅 係芝士同茄醬組成 不過不失 唔覺特別好味 不過$25大大塊 幾抵食
批邊唔算好大舊 都算係落足料
(絕對抵過必勝客既昆水迷你下午茶N倍)
仲有就係尼度既調味料都幾抵讚 唔止有black pepper 仲有芝士粉
都幾細心
仲有刀叉提供 唔洗整污糟對手
份量算唔錯 拎黎做下午茶 一流
但做正餐 女仔都還可以 但對男仔黎講 一件就應該唔夠
整體都唔錯 下次要食辣肉腸pizza
