LAB10 (Closed)

之前lunch食過一次覺得幾正，上星期經過哩間餐廳見佢做緊任食優惠，於是今晚就上左黎大食一餐！覺得哩度裝修時尚，靚！就係為左食哩個餐而再黎，限時90分鐘。飲品包所有梳打口味任飲，同兩款可樂。梨汁牛五花擺得超靚，燒肉我都係最中意食調味過既，味道岩岩好唔洗點醬。薄切優點係好快熟，岩晒肚餓既我地，入口好林，好食。仲有牛板上任食七款肉，有雞、豬、牛，好豐富。最中意食牛板鍵，肉質嫩，易熟，雪花分佈平均，高質。其次雞同豬頸肉都好食。薯條炸至金黃色，灑上鹽調味，再點燒融左既芝士，正呀！青檸梳打好飲，推介，解到食得太多肉果種油滯感，調得清新唔酸！燒到一半我地向職員要求換網，職員樂意幫忙！仲有任食新建沙律蔬菜，食番d菜先可以食更多肉。