Big Panda BBQ

預早訂左12位, 當晚8:00PM去到, 冇乜人, 我地一行12人入去, 佢offer一張長枱俾我地. 坐得都ok舒服. 呢度係限食2個鐘(可能我地多人, 電話訂座時佢同我講限食係2.5小時, 俾多左半小時我地). 每位係$128(另加一服務費), +$10有飲品任飲, 有多款汽水, 同埋大罐裝青島, 絕冇吝嗇.

至於食物, 先黎個雞煲, 因為雞煲係任食, 再order左一大堆串燒, 寫幾多黎幾多, 冇漏單.
首先講串燒, 種類唔多, 但以咁既價錢, 質素算係唔錯, 我一人都食左5隻雞翼~~

至於雞煲, 隻雞新鮮度麻麻, 但個汁就唔錯, 都幾入味, good~!!

雞煲

食完雞煲, 加水打邊爐, 火鍋食品種類都唔少, 都係一d大路食品. 以呢個價錢去, 就唔會要求太高啦~~! 不過食完串燒同雞煲, 已飽左大半. 其他火鍋食品都食唔落.

話食兩個半小時, 但因切蛋糕搞到過晒鐘都冇趕你走, 值得一讚!

(自己切餅, 唔加收切餅或存餅費)