響日本燒肉 (Closed)

再一次嚟到銅鑼灣食好西，今次專登嚟到呢一間日本燒肉店，依家晚市做緊2.5小時放題任飲任食和牛+生蠔😆。可惜因為疫情關係，7號至20號之間都唔會再有晚市開放，希望疫情盡快受控😖。。一坐低，店員就會拎嚟兩盤精選食物，一碟刺身一點肉🤩。刺身睇落好新鮮，食落唔覺得有雪味👍🏻，而當中北寄貝同帶子真係勁鮮味😋，其他刺身都非常之唔錯。而生蠔都新鮮有海水味，只係有啲細，不過食完可以繼續任叫，絕對抵食😍。。另外經QR code入order睇，仲會見到多幾款刺身，除咗有以上各款之外，仲會有希靈魚、油甘魚可以食👍🏻。。而之後就係燒肉了，一般嘅豬牛雞都會有，另外仲有串燒海鮮等等，種類非常之多😁。而牛肉方面分別有安格斯牛同澳洲和牛❤️，肉質方面非常之出色，食落好有牛味🤤，燒完落少少鹽調味已經非常好食，另外亦都有各種調好味嘅肉可以選擇，味道上都不錯🙈。。最後，呢間餐廳另外一個重點係，飲品方面都係任飲🤩，而且仲有各款酒精可以選擇，分別有兩款清酒、柚子酒、梅酒、紅酒同白酒，絕對係飲酒人士嘅福音😝。