古今二 (荃灣千色匯I) (Closed)

聽講荃灣都開咗叫古今二嘅日本餐廳，之前朋友都係觀塘試過，環境光猛，價格合理，款式又多話值得一試。主打串燒、創意卷物、熱食等等。火山呢個卷物上再有沙律醬，裏面包着帶子同青瓜，再加上牛油果🥑，食落好特別，感覺好清新。上面仲有滿滿嘅蟹子同蟹柳絲。試過咁多日本餐廳，第一次咁有驚喜👍🏻👍🏻炭燒雞泡魚乾一上枱以為佢會好硬，點知佢已經燒到脆卜卜，好似食緊薯片❤️完全係新嘗試。再配上沙律醬，做開胃菜簡直係一流。蒲燒鰻魚蛋包飯朋友話想試鰻魚飯，開頭以為平平無奇，好似一般嘅急凍鰻魚咁。點知食落鰻魚爽彈，超級新鮮，冇話肉質好林個款。再加上滑嫩嘅蛋配上鰻魚汁，可以話有驚喜🤗值得推介俾大家。櫻花蝦燒茄子個茄子嘅份量唔係講笑，估唔到咁大份，睇圖都見到手板咁長，而且佢整到好林好香口，上面更少有地咁配上櫻花蝦🦐🦐🦐口感好特別，鹹鹹地鮮味十足❣️豬頸肉串燒豬頸肉已經醃製完再烤，用醬油燒得好入味，而且切到一口就可以食到，簡單得來又有風味。南瓜沙律用上甜度十足嘅日本南瓜，再配上少少杏仁碎，火箭菜等新鮮沙律食材，估唔到會咁夾，而且佢個醬汁都調得好適中，超開胃。呢間古今二，估佢唔到，以為普通日本菜，午市來講呢個質素價錢絕對有回頭下