宜家家居餐廳及咖啡室

Open Now

Now Closed

去到IKEA食野，相信好多人都第一時間諗起佢既招牌肉丸，不過今次去食，就幾有驚喜佢除左本身常規食物之外，定期都會更新加入其他新菜色，今次新增D菜單都幾吸引，於是就叫左瑞典凍蝦配羽衣甘藍及薯仔沙律($36)，瑞典肉丸10粒($20)，酥炸咸豬手伴椰菜及薯仔配茴香蒜蓉汁($63)，肉醬千層麵伴雜菜($43)同添飲汽水($7)，不過因為肉醬千層麵伴雜菜暫時賣晒要再煮，所以職員話20分鐘後再黎買過。單靠貌相已經非常之吸引，可以見到呢個份量係非常之大，絕對唔會因為價錢平而細細份瑞典凍蝦配羽衣甘藍及薯仔沙律，佢D菜都幾新鮮，配上凍蝦、粟米粒、蕃茄仔，好清新開胃瑞典肉丸10粒，KEEP到正常水準，必叫招牌是日皇牌，酥炸咸豬手伴椰菜及薯仔配茴香蒜蓉汁，超大隻豬手，肉質超嫩，炸得脆皮夠晒香。不過有DD美中不足之處係另一邊就無炸到，不過佢本身個皮都煮得夠淋，配上薯仔同酸菜，味道甚至好食過部分德國餐廳既豬手添，正宗大份夾抵食，連食野奄尖既老婆都讚呢隻豬手好多次跟住再出去拎埋肉醬千層麵伴雜菜，食落D肉醬同千層麵比例好夾，唔會太多或太少醬呢餐真係平民價錢，高級西餐既味道