Video
Read full review
2018-01-18
398 views
2017年，不過不失，沒有什麼大事件，平平靜靜的過活，對我來說已經係幸事，來到一年的最後一日，我決定食我最喜愛的OMAKASE慶祝一下餐廳以黑色為主，甚至餐廳門口都幾乎全黑，夜晚黎到真係要細心D先搵得到，踏實的外表隱藏著不少寶藏OMAKASE盛惠$1300一人，食之前都估唔到呢度會成為我最喜歡的一間日本小姐奉上濃濃的抹茶，由日本人當侍應感覺好似置身日本先付前菜有蕪，蕪即係細小版白蘿蔔，食落比普通蘿蔔清甜得多，蕪上次有少少麵豉醬增添味道，另外有荀加上WASABI麵豉，仲有粒貝同海蔘，海蔘做法比較特別，用石仔幫佢做按摩做成個鐘，口感會爽口得多，食落酸酸地，用來開胃一流刺身刺身色彩豐富，有赤身、拖羅、牡丹蝦、獅魚、赤貝裙邊、日本石班，其中最特別的做法係赤貝裙邊，上圖見到金黃色粒粒係由蛋加醋由水炒到變乾，花唔少功夫時間，酸酸地，令爽口的赤貝裙邊生色不少，而日本石班有夢幻之魚的稱號，見到個名都知犀利同罕見，聽師父講成本係拖羅的兩倍燒喜之次呢道燒喜之次特別之處就係用上BB喜之次，所以肉質更細嫩，魚皮燒到脆脆的，旁邊的蕪切工好細緻汁煮石班用左岩岩刺身食到的夢幻之魚，蕪亦再次登場成為配角，醬汁甜甜地，
餐廳以黑色為主，甚至餐廳門口都幾乎全黑，夜晚黎到真係要細心D先搵得到，踏實的外表隱藏著不少寶藏
OMAKASE盛惠$1300一人，食之前都估唔到呢度會成為我最喜歡的一間
日本小姐奉上濃濃的抹茶，由日本人當侍應感覺好似置身日本
先付前菜有蕪，蕪即係細小版白蘿蔔，食落比普通蘿蔔清甜得多，蕪上次有少少麵豉醬增添味道，另外有荀加上WASABI麵豉，仲有粒貝同海蔘，海蔘做法比較特別，用石仔幫佢做按摩做成個鐘，口感會爽口得多，食落酸酸地，用來開胃一流
刺身
刺身色彩豐富，有赤身、拖羅、牡丹蝦、獅魚、赤貝裙邊、日本石班，其中最特別的做法係赤貝裙邊，上圖見到金黃色粒粒係由蛋加醋由水炒到變乾，花唔少功夫時間，酸酸地，令爽口的赤貝裙邊生色不少，而日本石班有夢幻之魚的稱號，見到個名都知犀利同罕見，聽師父講成本係拖羅的兩倍
燒喜之次呢道燒喜之次特別之處就係用上BB喜之次，所以肉質更細嫩，魚皮燒到脆脆的，旁邊的蕪切工好細緻
汁煮石班用左岩岩刺身食到的夢幻之魚，蕪亦再次登場成為配角，醬汁甜甜地，魚由於係石班的關係，魚肉特別結實
漬海鱲壽司上面有師父自家醃的白板昆布，所以會帶酸，整體口感淋淋的
竹簽魚壽司竹簽魚較少食得到，上次放有烏魚子，烏魚子的香氣同魚的鮮味相得益彰
剥皮魚壽司剥皮魚加上剥皮魚肝同茗荷，有魚肝之下令魚味更濃
三文魚子軍艦第一次見到有師父咁細心，專登開爐將紫菜燒番脆，其實食軍艦紫菜夠脆真係好重要，紫菜經燒過之後香味出番晒黎，三文魚子自家醃製，每粒既大粒又漲卜卜
左口魚壽司左口魚上面有少少柚子胡椒，柚子胡椒味道好突出，左口魚口感帶少少煙韌
吞拿魚卷平時食吞拿魚卷多數都會加碎蔥，今次師父就轉左用煙燻蘿蔔，口感多一份層次得來，煙燻蘿蔔無蔥咁易淋
吞拿魚腩壽司再次碰上一點筋都無的吞拿魚腩，每次我都會盡量係口中留耐D，久久都唔捨得吞下
海膽飯海膽超級鮮甜，甜得好似新鮮開出黎一樣
長壽麵由於當晚係31/12，根據日本傳統會食長壽麵，除左有長壽的吉祥意思，每次咬斷麵條，都代表切走衰氣的意思，呢個日本傳統真係好有意思喔，上次的腐皮用左蔗糖煮，所以食落甜甜地
麵鼓湯麵鼓湯入面有魚同加有酒糟，比一般的麵鼓湯多了一份酒香
酸酒果凍食左咁多野，最後食番個酸酸地的果凍就岩晒，呢個甜品保證唔會漏
這樣子，又一年，誤打誤撞食到呢餐OMAKASE，估唔到係我全年所食過最好的，年又過年，最重要的是你一直在我身旁
Post
