, 原來多半都是香港有'土地問題'喎...地租貴大家喜歡的都Bye-Bye了....真個X+Y%*#! 這兒是[開飯喇]的地盤, 當然寫和"食"有關的事情, 土地的事不在此討論了, 寫來都沒共鳴, 寫番到九龍城呢區, 幸好我喜歡的其中一間仍尚在, 有'食力'就當然的, 亦可能因為佢賣貴十元八塊頂得住租??! 點都好, 如去年一樣 01.01我可以去聯發食早餐開個好年, 都好滿足!
2016**祝各位新年快樂笑呵呵 :) , 長食長有大家發、身體健康有食神!
**
其實我食的很簡單, 茶記嗎? 沙爹牛肉出前一丁麵 + 凍鴛鴦是我本人的頭號例牌, 去酒樓小館就例牌生炒骨, 食一百幾十年只要個餐牌有基本上叫俾我就得了, 知我者不用問; 西餐廳就焗豬扒意粉/牛尾濃湯, 街頭小食嗎? 炸魚蛋、燒賣多辣油、腸粉全醬上、篤串咖哩魚蛋加甜醬, 大墨魚就甜醬芥辣都要...以上的...唔需要問都可以叫俾我因為我就係鍾意食呢啲! 關於聯發, 想起來一年365日都食咗一百幾十次, 有時早餐, 有時茶餐, 有時晚餐, 但我就係咁嘅一種人, 未悶喎,...而且好食就真係要encore多啲, 就係咁簡單~ 來得這麼多次, 手機中都好多相片, 合輯今篇吧!
這兒食物貴精不貴多, 數一數話少都唔少, 鮮油占多、鮮油奶多、公司三文治、紅豆冰、凍檸茶少甜、好味醒神的鮮榨檸汁、 至出色的沙爹牛肉出前一丁麵、凍鴛鴦....全部我都寫過了, 而且水準一直都保持到好食好飲! 咁就又由2015食到2016了. 雖然嚟到呢間出名食炒滑蛋的店舖我多數都會叫番自己的例牌 - 煎雙蛋, 多士(小火), 講開又嚟料...今時今日香港人都好鬼苦, 食份煎蛋啫...要求唔係高呀, 好多地方的煎蛋係無蛋香的, 大大份但"有-殼-無-靈-魂"!!!
尤其是上市出品的XX鑊及脆X吃過更不再點! 話用美國蛋, 好呀, 咿~無蛋味...真係無, 唉! 鋪仔亦唔一定好吃, 油淋淋一份煎雙蛋只能說不吃浪費$$吃了浪費Quota, 說好的蛋香呢? 我究竟食緊咩? 街市賣三幾蚊隻蛋啫, 你來貨唔駛添啦...俾靚少少得唔得? 要求高嗎? 曾經有好多人笑人做飲食節目話:[雞有雞味/牛有牛味!] 笑呢類型唔識用其他方式評食物~ 好啦, 原來不知從幾時開始, 雞係唔一定有雞味, 牛唔知泵咗幾多水無晒牛味, 不過好多人唔介意的, 因為呢類食店大把! 佢哋真係要多謝啲食客捧場囉, 長做長食啲咁嘅嘢都長有, 反而好多有堅持有態度好味抵食的...Sorry 摺咗喇! (一輪牢騷帶到咁遠怪不得寫咁耐都係未完一篇....)
嚟到聯發我絕對不用擔心, 因為無論叫至愛煎蛋/抑或炒滑蛋/為了遷就小寶的炒熟蛋...都是蛋.有..蛋...味! 用咩蛋?! 咁正?! 多口問老細肥哥哥啦, 嘻-嘻...哦~原來係...! 我知, 我唔話俾大家知, 想知, 自己去問佢 :)
地方唔轉但食物可以變一變的, 近來早餐我有時見到對家上枱份蛋治漲卜卜高高鬆鬆、新鮮熱辣出品咁靚仔的蛋治就叫番份, 香噴噴滑嘟嘟, 心情大好胃口大開! 不過都係相機食先...
1
食物寫完了, 關於價錢, 來這兒吃會比其他茶記貴幾元但真是值得的, 食好・西, 要代價, 明! 大家俾得起俾貴幾蚊好過放拉之入口啦...
招呼方面, 睇我食評通常去到招呼方面的評分一般會俾OK, 這個分數唔難攞啫! 聯發當然OK過關啦!
我唔會要求好假那種好殷勤的招呼因為受不了, 最好是大家平和的、舒服的、街坊的, 大家Happy! 食嘢啫, 吓吓擺出一副大爺嘴臉, 我是客/你們是奴才....又或是晨早流流嘿口嘿面的, 哎呀~ 財神見到你都走啦~ 唔好笑呀, 間唔中會見到呢類食客, 一入門就座已經好嚇人的樣子, 唔係食嘢咩? 定撩交嗌?! 唔明...
我知...我份人算幾好彩, 當然好間中都遇到好鬼懶的侍應就無計啦, 但態度好差的都少, 即使唔係熟客去到啲小鋪又好, 去陸羽/福臨門這類有noise的店都唔會被待慢, 因為我明白自己的態度好影響人家對你的態度, 之前多篇文章都間有提及想人對你好, 自己俾番多幾分專重人, 人家感受到的, 自然又會相敬如賓! 出門在外, 上車咩...叫司機早晨, 食嘢入鋪亦主動講句早晨, 講嘢加番唔該, 你好, 人哋好! 吸啖氣都清啲睇到嘅人都開心啲~ 做客人要放低那一進門就擺出一副看不起人的眼光及態度, 那麼做, 不是更好嗎? [對人客氣啲, 切忌刻薄!] 其實這是我的老友的身教, 我多年前受影響銘記在心亦經常提點自己, 何況本來就是做人應有的態度, 互勉之~ 2016敬希齊齊進步! Happy~ Happy!
:) 
