富臨酒家 (Closed)

呢日行開灣仔果頭，我同D朋友本來冧住上皇潮滙飲茶。但係去到就睇到佢張貼咗結業告示，指因租約期滿問題，6月底光榮結業。所以唯有行遠D去富臨!其實我覺得富臨同皇潮滙質素同樣唔錯，所以去邊間都冇所謂啦，只係少咗個選擇啫，再唔係9月富臨樓下開東園，都唔使驚冇地方食!呢次富臨質素同上次差唔多，同樣好!味道方面，今次叫咗幾樣野味道唔錯!食物包括1)特式蝦餃:多2片青瓜餞蝦餃底的「特式蝦餃」爽口彈牙又新鮮，又抵食!(2)煎釀茄子:煎得夠香口，但睇睇相片，唔知點解將4件煎釀茄子放到距離咁遠，搞笑!(3)極品燒鵝瀨粉:燒鵝分量多兼入味，湯略嫌多油分!(4)濃湯上海餃子:餃子有5件，肉餡夠香濃，湯味清甜，可濃味D!環境方面，之前樓下舊鋪就差D，不過現鋪就有全新西式歐陸風格裝潢，好多水晶吊燈，地方算寬敞，不足之處就係枱放得密左D、多柱同多橫樑!服務方面，我地坐落都多待應招呼，算勤力，不過有某部長態度麻麻!衛生方面，碗碟有點污即，地方乾淨!抵食方面，各款下午茶特價點心都平，正價小點就要9蚊左右!整體唔錯，去到又快有位，有咁嘅質素又抵食，食得過!