芝麻綠豆甜品屋

Open Now

Now Closed

芝麻糊與燉奶嘅香滑，各有特式，係好多香港人嘅甜品首選。「芝麻綠豆」嘅老闆希望將呢兩種特式二合為一，創出芝麻蛋白燉鮮奶。是日，筆者捨芝麻而取合桃，試一試效果如何。兩種味道放埋一齊嘅結果，就係一加一唔等於二。呢兩種味道各自勝長，但放在一起之後，筆者嘅味蕾未能分辨出兩者嘅味道，變成味道較混亂，只有滑嘅感覺。筆者味覺遲鈍可能是原因之一，但更重要嘅就係合桃糊及燉奶本身味道唔夠香唔夠濃郁。兩者皆淡，要食出滋味真要費一番功夫。一碗合桃蛋白燉鮮奶共銀十八蚊，試過一次攞了經驗便算。