Video
Read full review
2009-03-19
38 views
筆者在粉嶺一帶辦公差不多有兩年了，所以經常與同事一齊响聯和墟一帶食晏。不過，食得多唔多唔少都會稍嫌單調，於是今日去遠啲，到上水附近搵嘢食。見坊間食評介紹，在上水石湖墟有一燒味檔以燒肉聞名。筆者慕名而來，一睹其廬山真面目。午市燒味雙拼套餐三十蚊，如果搭燒肉嘅話三十五蚊，可想而知佢地對自家製嘅燒肉多麼有信心。套餐嘅例湯味道淡如開水，沒有什麼可以品評。當然佢唔係主角，不大提及亦無傷大雅。這裡嘅燒肉聽聞係用炭爐燒的，無怪乎入口有一種煙燻嘅豬肉香氣。燒肉以腩肉為原材料，腩肉一層脂肪夾著一層瘦肉，為發揮燒肉嘅最高境界奠下基石。雖說是五層花腩，實情是豈止五層。最底一層係軟骨組織，稍有牙力的可以輕易咀嚼吃掉，之上係一層瘦肉，肉質不韌，咀嚼不需用死力，亦是此層最能發揮炭爐所產生嘅煙燻味，唔會如一般燒肉般瘦肉部分又韌、鞋及鹹，一流！如圖所見，瘦肉被燻成深棕色，可見幾入味。中間嘅一層係類似嫩肉組織，有點肥美但不油膩。之後係一層脂肪，如果驚肥嘅話可以略過，雖然經炭爐烘焗之後大部分豬油已經迫咗出嚟，入口嘅感覺只會係爽滑而唔係油淋淋。最外一層係芝麻皮，可惜筆者食到嘅燒肉不是新鮮製成，芝麻皮已經唔係十分脆，是整塊燒
見坊間食評介紹，在上水石湖墟有一燒味檔以燒肉聞名。筆者慕名而來，一睹其廬山真面目。午市燒味雙拼套餐三十蚊，如果搭燒肉嘅話三十五蚊，可想而知佢地對自家製嘅燒肉多麼有信心。套餐嘅例湯味道淡如開水，沒有什麼可以品評。當然佢唔係主角，不大提及亦無傷大雅。
這裡嘅燒肉聽聞係用炭爐燒的，無怪乎入口有一種煙燻嘅豬肉香氣。燒肉以腩肉為原材料，腩肉一層脂肪夾著一層瘦肉，為發揮燒肉嘅最高境界奠下基石。雖說是五層花腩，實情是豈止五層。最底一層係軟骨組織，稍有牙力的可以輕易咀嚼吃掉，之上係一層瘦肉，肉質不韌，咀嚼不需用死力，亦是此層最能發揮炭爐所產生嘅煙燻味，唔會如一般燒肉般瘦肉部分又韌、鞋及鹹，一流！如圖所見，瘦肉被燻成深棕色，可見幾入味。
中間嘅一層係類似嫩肉組織，有點肥美但不油膩。之後係一層脂肪，如果驚肥嘅話可以略過，雖然經炭爐烘焗之後大部分豬油已經迫咗出嚟，入口嘅感覺只會係爽滑而唔係油淋淋。最外一層係芝麻皮，可惜筆者食到嘅燒肉不是新鮮製成，芝麻皮已經唔係十分脆，是整塊燒肉嘅唯一敗筆。
除了燒肉之外，筆者以白切雞拼之。見白切雞骨髓是鮮紅色，是新鮮雞來的。雞肉也很嫩滑，不過老套一點筆者亦係那一句：本地新鮮雞已經失去雞味。除比較肥膩點之外，沒有其他可以批評了。
Post
