Video
Read full review
2009-11-04
星期六晚，外父小休回港，由他做東到外用膳。外父喜歡食扒，舅仔便提議去太古城嘅Ruby Tuesday，一來就腳，二來近外家屋企。對於這類美式扒房，自從畢業之後都甚少幫襯，偶一而為之都係一大班人聚會嘅落腳點。由舅仔發辦，先來了一客 appetizers sampler，焗薯皮、炸芝士條、露比雞翼等經典前菜也有。所有前菜都係香口嘢，小食可口，多食肯定壞肚皮。其中以雞翼比較好，醃得頗入味，肉質亦有彈性。主菜是每人一扒，除咗太座(她只點了凱撒沙律配蜜汁燒雞)。筆者點的是烤羊扒，要了medium rare，橫切面呈粉紅色，以medium rare嚟講是過熟了。入口更不對勁，羊肉味稀薄，肉質亦鞋口，通常筆者可以十分鐘完成嘅羊扒，用了差不多廿分鐘才完成，連外母都睇得出筆者食得很勉強；外母嘅十安士西冷扒，同樣出事。同樣是medium rare，同樣是粉紅色切面。雖未有親身證實，但外母一邊食一邊批評味同嚼臘，連本應肉味最豐富嘅西冷扒都落得如斯下場，實是無奈到極了。外父選了肉眼扒，只顧一邊切、一邊食，好像是合格貨；舅仔點了全份燒排骨，一邊是經典燒烤汁，另一邊是蜜糖燒烤汁。還好，骨與骨之間嘅豬肉是最豐腴嫩滑
對於這類美式扒房，自從畢業之後都甚少幫襯，偶一而為之都係一大班人聚會嘅落腳點。由舅仔發辦，先來了一客 appetizers sampler，焗薯皮、炸芝士條、露比雞翼等經典前菜也有。所有前菜都係香口嘢，小食可口，多食肯定壞肚皮。其中以雞翼比較好，醃得頗入味，肉質亦有彈性。
主菜是每人一扒，除咗太座(她只點了凱撒沙律配蜜汁燒雞)。筆者點的是烤羊扒，要了medium rare，橫切面呈粉紅色，以medium rare嚟講是過熟了。入口更不對勁，羊肉味稀薄，肉質亦鞋口，通常筆者可以十分鐘完成嘅羊扒，用了差不多廿分鐘才完成，連外母都睇得出筆者食得很勉強；外母嘅十安士西冷扒，同樣出事。同樣是medium rare，同樣是粉紅色切面。雖未有親身證實，但外母一邊食一邊批評味同嚼臘，連本應肉味最豐富嘅西冷扒都落得如斯下場，實是無奈到極了。外父選了肉眼扒，只顧一邊切、一邊食，好像是合格貨；舅仔點了全份燒排骨，一邊是經典燒烤汁，另一邊是蜜糖燒烤汁。還好，骨與骨之間嘅豬肉是最豐腴嫩滑的了，是比較放心進食的一道菜。可是，此間嫩肉可有難食之理，而平心而論這裡弄得亦非特別出色。
最後加了芝士雞肉西蘭花長通粉，通粉入口頗彈牙，芝士份量適中，味道不太濃，是全晚造得最好嘅菜色了。
埋單是二千多元，一行六個人，平均每人要四百幾蚊，有點嚇人，幸得半價卡之助，才可千幾蚊落樓，每人平均消費變成二百幾。以這般程度嘅消費(未折)，有很多幾好嘅選擇。數到老遠也沒有這裡份兒，想來想去，都找不出回來嘅理由。
Post
