Video
Read full review
2022-11-04
2857 views
放工想搵間又平又滿足到友人打邊爐嘅放題，而家放題平極閒閒地都$200幾起跳，但呢間深水埗新開嘅台式火鍋放題，加一後都係$200有找，咁平又真係值得挑戰吓。不過餐廳而家做緊試業優惠，只需追蹤餐廳IG，每兩位就奉送牛小排一份，仲會送每人大大杯嘅珍珠奶茶。雖然係贈送嘅優惠食物，但份量一啲都唔欺場，珍奶味道幾好，唔會過甜，茶味亦幾香同特別，珍珠亦帶有黑糖香同夠軟腍。湯底揀咗花雕蛤蜊鮮雞鍋，飲落都具淡淡花雕酒香。湯內最過癮係加入魚腐同丸類一同熬煮，有啲搞笑。海鮮推介墨魚仔、蛤蜊、小卷魷魚同魚片，整體都幾鮮味；肉類有牛板腱、牛骨髓同美國豬梅肉等，牛骨髓係坊間火鍋放題少見之選，口感滑捋捋堪比花膠。小食就點選咗台式鹽酥蚵仔、鹽酥雞、炸魷魚同芝士粟米鮪魚蛋餅。炸物都幾入味，水準不俗；最驚喜係蛋餅原條上，毫不馬虎，趁熱食更感受到手抓餅嘅香氣，芝士同吞拿魚好夾。自助區域方面，有茶葉蛋同湯品等小食，亦有少量火鍋配料、特色丸類或蔬菜選擇。鍾意炸物嘅朋友亦可以一嚐脆皮雞排、炸地瓜條、炸地瓜球等台式小食，味道唔錯，可惜有少部分炸到太硬身，希望之後會改善到。可能由於新開關係，食物選擇未算好豐富，例如甜品方面當日只見到
不過餐廳而家做緊試業優惠，只需追蹤餐廳IG，每兩位就奉送牛小排一份，仲會送每人大大杯嘅珍珠奶茶。雖然係贈送嘅優惠食物，但份量一啲都唔欺場，珍奶味道幾好，唔會過甜，茶味亦幾香同特別，珍珠亦帶有黑糖香同夠軟腍。
湯底揀咗花雕蛤蜊鮮雞鍋，飲落都具淡淡花雕酒香。湯內最過癮係加入魚腐同丸類一同熬煮，有啲搞笑。海鮮推介墨魚仔、蛤蜊、小卷魷魚同魚片，整體都幾鮮味；肉類有牛板腱、牛骨髓同美國豬梅肉等，牛骨髓係坊間火鍋放題少見之選，口感滑捋捋堪比花膠。
小食就點選咗台式鹽酥蚵仔、鹽酥雞、炸魷魚同芝士粟米鮪魚蛋餅。炸物都幾入味，水準不俗；最驚喜係蛋餅原條上，毫不馬虎，趁熱食更感受到手抓餅嘅香氣，芝士同吞拿魚好夾。
自助區域方面，有茶葉蛋同湯品等小食，亦有少量火鍋配料、特色丸類或蔬菜選擇。鍾意炸物嘅朋友亦可以一嚐脆皮雞排、炸地瓜條、炸地瓜球等台式小食，味道唔錯，可惜有少部分炸到太硬身，希望之後會改善到。可能由於新開關係，食物選擇未算好豐富，例如甜品方面當日只見到迷你布甸糖，無一般放題嘅雪糕選擇。但值得一讚係大部分店員嘅服務態度唔錯，幾主動收碟，又會問想加湯定加水，想平食台式放題都係一個唔錯嘅選擇。
Post
