Video
Read full review
2014-11-19
3162 views
今日肥髀考試完畢，派晒卷，比個驚喜佢，買份甜點比大家，獎勵佢同自己一齊努力完成考試（成績次要，努力過都要獎賞自己 ）見呢間網上口碑唔錯，想試下，其實自己對cupcake一般，之前食過其他店舖，覺得只係賣樣，糖霜超甜，蛋糕又實，所以見試過呢間嘅人都讚，都想試下到底點好！去到個裝修好簡潔，白色為主，黑色櫃枱，襯托櫃枱入面七彩cupcake！門口大大張cupcake poster好搶眼，有一張歐式小圓枱，比食客堂食，雪櫃後有兩位店員A&B！我未決定到買邊款，兩個店員都無理我，亦無介紹（當時店內除了我，有另外一位客人買緊）本來想買4個，又聽到店員A同嗰位客人講，4個$100，買6個有折$135，個客人買了6個，但我又食唔到咁多，呢個時候，見到櫃檯有一set mini cupcake,有齊櫃台嘅款式 ，又唔大件，問店員A一set要$144，咁我就要一set!可以試齊咁多款！又唔會好飽！店員A入去店內雪櫃幫我包，店員B就收錢，我取出信用卡比佢，佢話公司規定$200先可以碌卡 我心唸而家信用卡咁普及，邊有舖頭仲咁樣，你話幾十蚊唔碌卡都正常，過一百唔比碌已經無乜，仲要呢間唔係舖仔，大商場內嘅舖，
見呢間網上口碑唔錯，想試下，其實自己對cupcake一般，之前食過其他店舖，覺得只係賣樣，糖霜超甜，蛋糕又實，所以見試過呢間嘅人都讚，都想試下到底點好！
去到個裝修好簡潔，白色為主，黑色櫃枱，襯托櫃枱入面七彩cupcake！門口大大張cupcake poster好搶眼，有一張歐式小圓枱，比食客堂食，雪櫃後有兩位店員A&B！我未決定到買邊款，兩個店員都無理我，亦無介紹（當時店內除了我，有另外一位客人買緊）本來想買4個，又聽到店員A同嗰位客人講，4個$100，買6個有折$135，個客人買了6個，但我又食唔到咁多，呢個時候，見到櫃檯有一set mini cupcake,有齊櫃台嘅款式 ，又唔大件，問店員A一set要$144，咁我就要一set!可以試齊咁多款！又唔會好飽！店員A入去店內雪櫃幫我包，店員B就收錢，我取出信用卡比佢，佢話公司規定$200先可以碌卡 我心唸而家信用卡咁普及，邊有舖頭仲咁樣，你話幾十蚊唔碌卡都正常，過一百唔比碌已經無乜，仲要呢間唔係舖仔，大商場內嘅舖，我實係無見過咁小家！ 比現金都無問題（如果果一刻我唔夠現金，係唔係要我去櫃員機排隊㩒錢？ ），我無出聲！鬧個打工嘅都無用！只係感覺呢間舖唔夠大方，一個cupcake先$25，要買10個先可以碌卡？ （因為買多仲有折）店員A就包好盒餅，無向我展示一次，已經封好袋埋入膠袋 （又係小事，只係去美X西餅買餅都會展一下，等個客放心）好明顯呢間店格局高級，但比我感覺唔夠細緻！包裝餅盒好靚嘅桃紅色，配個透明膠袋方便攞！簡單又輕便，包裝方面唔錯！
特濃咖啡Espresso
忌廉曲奇Cookie & Cream
雲呢嗱朱古力Vanilla Chocolate
士多啤梨雲呢嗱Strawberry Vanilla
朱古力咖啡Mocha
雙重朱古力Chocolate Chocolate
士多啤梨朱古力Strawberry Chocolate
雲呢嗱朱古力Vanilla Chocolate
彩虹雲呢嗱Rainbow Vanilla
花生醬啫喱P/B Jelly
花生醬朱古力 P/B Chocolate
紅絲絨Red Velvet
我食咗5個，要講味道實在唔錯，改變我對cupcake 嘅壞印象，蛋糕鬆軟，唔會過甜，上面嘅cream好幼滑，唔會死甜，因為飯後先食，我打開盒聞到強烈朱古力味，好吸引！
花生醬啫喱--好驚喜，花生醬好香花生味，好滑，啫喱唔會好酸！好正！
朱古力咖啡--好香濃朱古力味，但咖啡味就無乜！
士多啤梨朱古力--香濃朱古力味，但唔覺士多啤梨味！
雙重朱古力--非常濃郁嘅朱古力！
特濃咖啡--咖啡味香但唔濃！易入口！
如果唔係服務同碌卡問題，我一定比笑臉，可惜唔主動及唔細心嘅服務，加公司無理碌卡規定！
Post
