阿四車仔麵 (Closed)

車仔麵都係我平時至愛，簡簡單單方方便便揀幾個自己鍾意嘅餸就一餐，快捷方便。今次食嘅幾款餸之中，墨魚卷幾彈牙，唔會有好多粉，墨魚比例都幾多所以有淡淡嘅墨魚香。車仔麵嘅豬大腸，我食過有啲好諗，亦有啲好硬，而呢間舖頭嘅豬大腸有啃勁，軟硬程度適中。檯面放了菜甫，可任意攞嚟食用，辣辣地都幾風味。我食嘅車仔麵其中一個重點係辣醬，呢間舖頭嘅辣醬唔係好辣，係帶有沙嗲口感嘅辣，食食下會上癮。樽裝奶茶，消暑佳品，夏天飲降溫。車仔麵之外亦有一些小食，每樣都係20蚊，見到有吉列蠔即刻揀嚟食，20蚊有五粒都好足分量，不過咬下咬下原來粒蠔幾細粒，不過20蚊有咁多粒仲想點，外皮炸得很鬆脆不馬虎，加埋類似泰式嘅甜酸醬，確係幾惹味。