星期一至五都有唔同嘅精選小菜同甜品優惠，真係日日食都唔會悶！
今次我就趁住優惠，即刻同大家分享下有咩好食！
🦀 蟹粉小籠包 ($70)
作為蟹粉專門店，佢哋嘅蟹粉小籠包當然係必食啦！皮薄餡靚，一咬開就爆汁，滿滿嘅蟹粉鮮味同豬肉嘅甘香完美融合，真係好幸福！
花雕醉雞 ($68)
呢個冷盤真係驚喜！花雕酒香濃郁，滲透到雞肉每一寸，雞肉嫩滑入味，帶點冰涼，作為開胃菜一流！
🍜 麻醬拌麵 ($40)
麻醬拌麵麻香十足，麵條彈牙有嚼勁，簡單又美味，係comfort food嘅代表！
🍚 排骨菜飯 ($62)
排骨炸得金黃酥脆，肉質鬆軟多汁，配埋清香嘅菜飯，味道平衡得好好，食落一啲都唔油膩，好滿足！
1
週五甜品優惠 ($20)
我哋星期五去，仲享受到甜品優惠！高力豆沙同擂沙湯圓都只係$20！高力豆沙外脆內軟，豆沙餡香甜幼滑；擂沙湯圓煙韌香甜，花生粉包住軟糯嘅湯圓，為晚餐畫上完美句號。
