阿爺八鮮鍋

Open Now

Now Closed

今日朋友請客話帶我去尖沙咀食海鮮🦞火鍋放題，我哋食5:00-7:30 $368/位（另收加一服務費），包含2.5小時火鍋放題、任食雞煲、海鮮拼盤、時令燉湯及火鍋湯底，另外我哋每人加咗$20可以任飲汽水🥤（啤酒除外）。先嚟一壺湯，今日係海底椰鱷魚肉煲豬骨，好滋潤，好飲。雞煲有3款口味，我哋揀咗韓式芝士雞煲。煲內除咗雞，仲有好多芝士同紫洋蔥，好香！雞嘅份量亦好多，味道剛剛好，好滑👍👍。刺身拼盤，有北寄貝、希靈魚、牡丹蝦等…新鮮鮮甜。湯底係冬瓜魚翅花膠湯底，嚟完湯底就上咗一盆霸王海鮮盆，有越南大虎蝦、澳洲大龍蝦、蘇格蘭大元貝、臺山奄仔蟹、新鮮鮑魚。隻鮑魚仲會郁架，好新鮮！龍蝦啖啖肉，龍蝦同蟹都有好多膏，食落彈牙鮮甜。另外仲有各款肉類、海鮮、蔬菜選擇，我比較鍾意安格斯肥牛、黑松露墨魚滑，安格斯肥牛肥瘦剛剛好，好香牛味👍，黑松露墨魚滑，好香黑松露味仲好彈牙！放題價錢有海鮮、有雞煲、又有湯飲，真係一條龍服務🤣。